Спецыяльны прадстаўнік прэзідэнта ЗША Кіт Келаг збіраецца наведаць Беларусь, піша агенцтва Reuters са спасылкай на ўласныя крыніцы.
Фота: КІТ КЕЛАГ/Х
У Беларусі Келаг, верагодна, сустрэнецца з дыктатарам Лукашэнка. Пра гэта стала вядома адразу з чатырох дыпламатычных крыніц, аднак афіцыйнага пацверджання пакуль няма.
Па словах дзвюх крыніц, дакладны парадак дня пакуль невядомы. У той жа час Келог у прыватных размовах заяўляў, што лічыць гэтую паездку патэнцыйным крокам да пачатку мірных перамоў па завяршэнні вайны Расеі супраць Украіны.
Дзяржаўны дэпартамент ЗША, Белы дом, сам Келаг, а таксама амбасада Беларусі ў Вашынгтоне адмовіліся каментаваць гэтую інфармацыю. Як адзначае Reuters, такія дыпламатычныя візіты патрабуюць асаблівых перамоў і могуць быць змененыя або скасаваныя ў апошнюю хвіліну.
Калі візіт сапраўды адбудзецца, Келог стане самым высокім прадстаўніком ЗША, які наведае Беларусь за апошнія гады.
Паводле паведамленняў некаторых СМІ, візіт можа адбыцца ў пятніцу, 20 чэрвеня. З нагоды прыезду амерыканскага прадстаўніка, як чакаецца, будзе вызваленая група палітвязняў.
Беларускае Радыё Рацыя
