Кірыла Буданоў, кіраўнік Офісу прэзідэнта Украіны і былы кіраўнік Галоўнага ўпраўлення разведкі, заявіў у інтэрв’ю ліванскаму СМІ, што на тэрыторыі Расеі павінны сфармавацца некалькі рэгіянальных дзяржаў.
Па яго словах, Расея за 12 гадоў вайны стала бяднейшай ва ўсіх адносінах — эканамічна, палітычна і дэмаграфічна. Ён падкрэсліў, што санкцыі з Расеі нельга здымаць нават пасля завяршэння баявых дзеянняў, а замарожаныя актывы і будучыя даходы павінны пайсці на рэпарацыі і аднаўленне Украіны.
Буданоў адзначыў, што чакаць унутраных змяненняў у Расеі не варта, бо палітыка Пуціна істотна не адрозніваецца ад царскай або савецкай эпохі. Паводле яго, асноўная мэта — дамагчыся знікнення Расеі як імперыі. Заявы Буданава адлюстроўваюць пазіцыю Кіева ў міжнародных перамовах пра заканчэнне вайны і будучую архітэктуру бяспекі.
Беларускае Радыё Рацыя
