У Грузіі падчас выбарчай кампаніі адбываецца працэс “выціскання” з краіны грамадскіх актывістаў і журналістаў з Беларусі.
Так лічыць праваабаронца Раман Кісляк, які сам зараз знаходзіцца на тэрыторыі гэтай краіны:
– Ідзе выбарчая кампанія, шмат рэкламы, шматлікія навіны, сустрэчы, заявы. Таму выбарчая кампанія дабра заўважная. Яна адбіваецца на беларусах, таму што такое адчуванне, што грузінскія ўлады спрабуюць пазбыцца актыўных людзей у Грузіі, у тым ліку і ад беларусаў.
Па словах Рамана Кісляка, беларусаў спрабуюць «выкінуць з краіны» рознымі спосабамі:
– Выдаленне людзей з краіны адбываецца мякка. Па-першае, гэта абстаноўка на мяжы, то бок, людзей не прапускаюць праз граніцу. Шэраг выпадкаў такіх ёсць. І другое, тыя, хто падаў на прытулак, ім ідуць адмовы. Яўна не абгрунтаваныя. У большасці адказваюць, што запыт не адпавядае канвенцыі аб статусе бежанцаў.
Праваабаронца ведае некалькі дзясяткаў выпадкаў, калі беларусам адмовілі ў Грузіі ў статусе бежанца, і не ведае ніводнага выпадку, каб такі статус быў атрыманы.
Цалкам матэрыял:
Беларускае Радыё Рацыя
