КНДР афіцыйна прызнала ўдзел у вайне супраць Украіны. Апублікаваныя заявы Цэнтральнага ваеннага камітэта Працоўнай партыі Карэі, а таксама старшыні Кім Чэн Ына.
«Падраздзяленні нашых узброеных сіл, якія па загадзе кіраўніка дзяржавы КНДР былі задзейнічаныя ў аперацыі па вызваленні раёнаў Курскай вобласці, у поўнай меры прадэманстравалі высокі баявы дух і ваенную хватку, праявілі масавы гераізм, непараўнальную доблесць і самаадданасць сіл і тым самым ўнеслі важкі ўклад у знішчэнне неанацысцкіх сіл Украіны і вызваленне расейскіх тэрыторый», – гаворыцца ў заяве.
Кім Чэн Ын назваў удзельнікаў вайны супраць Украіны «героямі» і нават паабяцаў паставіць ім помнік.
