У Сумах працягваюцца ратавальныя працы пасля начной атакі расейскага дрона “Шахед”, які трапіў у дзесяціпавярховы жылы дом. Спачатку паведамлялася пра чатырох загінулых, але цяпер вядома, што колькасць ахвяр дасягнула дзевяці чалавек.
Па словах прадстаўнікоў Сумскай абласной ваеннай адміністрацыі, у выніку атакі пацярпелі 13 чалавек, у тым ліку адзін непаўнагадовы. 18-гадовы хлопец знаходзіцца ў цяжкім стане. Таксама вядома аб пашкоджанні двух шматкватэрных дамоў і 23 аўтамабіляў.
Ратавальнікі працягваюць разбор завалаў і дэмантаж небяспечных канструкцый. Улады заклікаюць мясцовых жыхароў быць пільнымі і выконваць правілы бяспекі падчас паветраных трывог.
Беларускае Радыё Рацыя
Фота: .pravda.com.ua
