На агульным пасяджэнні Каардынацыйнай Рады адбыліся адкрытыя слуханні праекта Закона Рэспублікі Беларусь «Аб палітычных партыях», які каардынальна адрозніваецца ад існуючага заканадаўства Беларусі. Закон прапануе празрыстыя правілы стварэння партый, унутраную дэмакратыю і дзяржаўныя гарантыі ад пераследу.
Ініцыятарам выступіла Камісія па рэформах і падрыхтоўцы да пераходнага перыяду пад кіраўніцтвам Юрыя Губарэвіча:
– Ён каардынальна адрозніваецца, таму што сённяшні закон, які рэжым Лукашэнкі выкарыстоўвае для кантролю, мае хутчэй абмежавальна-рэпрэсіўны характар. Калі б было прынята палітычнае рашэнне пра магчымасць дзейнасці незалежных палітычных партый, дэмакратычных партый, як гэта было да 20202 года, дзейнасць была б вельмі моцна абмежаваная. Таму натуральна, што змены наспелі і гэтыя змены як раз выкладзены ў новай канцэпцыі законапраекта.
Каардынацыйная Рада працягне серыю адкрытых слуханняў па розных заканадаўчых ініцыятывах, якія могуць стаць асновай для будучых рэформаў у дэмакратычнай Беларусі. 2-га снежня будзе разгледжаны праект закона “Аб мясцовым самакіраванні”, а 8-га снежня — праект закона “Аб амбудсмене”.
Цалкам матэрыял:
Беларускае Радыё Рацыя
