9 сакавіка адбылося трэцяе пасяджэнне Выбарчай камісіі Каардынацыйнай Рады. Чальцы камісіі прынялі шэраг рашэнняў, неабходных для правядзення выбараў у 2026 годзе.
Адным з найбольш дыскусійных пытанняў стаў разгляд скаргі Сяргея Шалыгіна на дзеянні камісіі. Падчас абмеркавання гучала прапанова прызнаць від на жыхарства дакументам, на падставе якога можна ўдзельнічаць у галасаванні на выбарах у Каардынацыйную раду. Аднак чальцы камісіі не падтрымалі ўнясенне такіх зменаў.
Кажа старшыня Выбарчай камісіі Алена Прыходзька:
– Разгледзіць ВНЖ нейкіх краінаў, пытанне якіх краінаў, і ці не будзе гэта пазітыўнай дыскрымінацыяй іншых краінаў, чые ВНЖ мы не ўлічым. Калі мы сочым за верыфікацыяй людзей па даведках па вызваленні з турмы ці яшчэ там пра вяялікую колькасць дакументаў, якія могуць быць у чалавека, плюс-мінус, якія пацвярджаюць яго асобу, але не з’яўляюцца дакументам, які можа верыфікаваць міжнародная сістэма.
Камісія таксама зацвердзіла палітыку бяспекі выбараў і тэхнічнае заданне па стварэнні электроннай платформы для галасавання, а таксама падтрымала падпісанне дамовы з тэхнічным правайдарам. Вызначаныя і асноўныя даты выбарчай кампаніі: 10–31 сакавіка — падача дакументаў і рэгістрацыя выбарчых суб’ектаў, 11–17 мая — галасаванне.
Цалкам матэрыял:
Беларускае Радыё Рацыя
