Каардынацыйная рада просіць усіх жадаючых аказаць валанцёрскую дапамогу ў падрыхтоўчы перыяд і на саміх выбарах у раду. Падрабязнасці распавяла прадстаўніца КР Вольга Павук:
– Гэта добрая магчымасць асабіста пазнаёміцца з палітыкамі, дадацца ў палітычную павестку Беларусі. Думаю, што маладым лідарам гэта будзе цікава. Вельмі хацелася б зрабіць такія афлайнавыя выбарчыя ўчасткі, дзе валанцёры змаглі б дапамагчы прагаласаваць людзям, якія прыйдуць. Анлайн-дапамога таксама патрэбная, распаўсюджваць інфармацыю, размаўляць з людзьмі, адказваць на нейкія пытанні. Спатрэбіцца любая дапамога.
Усім жадаючым стаць валанцёрам КР прапануе запоўніць электронную анкету. Самі ж выбары ў КР пачнуцца 25 мая і працягнуцца 3 дні — да 23:59 27 траўня.
Пытанні наконт выбараў прымаюцца на электронную пошту [email protected].
Падрабязнасці пра выбары — па спасылцы.
Беларускае Радыё Рацыя
