Каардынацыйная рада прыняла рэзалюцыю «Аб зваротах па спрашчэнні візавага рэжыму і паляпшэнні памежнага руху ў дачыненні да беларусаў».
Рэзалюцыя прынята па прапанове фракцыі “Каманда Латушкі і Рух “За Свабоду”. У дакуменце замацавана рашэнне накіраваць звароты да парламентаў Латвіі, Літвы і Польшчы аб прыняцці мер па аднаўленні і паляпшэнні пагранічнага руху з Беларуссю адносна фізічных асоб, а таксама аб спрашчэнні парадку атрымання віз.
У прыватнасці, размова ідзе аб дазволе накіроўваць запрашэнні ад асоб, якія атрымалі міжнародную абарону, а таксама аб выдачы гуманітарных віз у трэціх краінах, дзе беларусы хаваюцца ад рэпрэсій.
Акрамя таго, КС даручае спікеру і кіраўніку міжнароднай камісіі ў рамках кансультатыўнай групы Беларусь-ЕЗ запытаць і прааналізаваць інфармацыю па пытаннях увядзення лічбавых віз для грамадзян Беларусі.
КС таксама просіць АПК правесці кансультацыі па спрашчэнні візавага рэжыму і памежным руху з ЕЗ і дзяржорганамі Літвы, Латвіі і Польшчы.
