Так прэс-сакратар прэзідэнта РФ Дзмітрый Пяскоў пракаментаваў заявы беларускага боку аб нарошчванні Украінай сілаў каля мяжы. «Беларусь – гэта саюзная дзяржава, у нас ёсць адмысловыя фарматы дыялогу па лініі ўсіх адпаведных ведамстваў, у тым ліку і па лініі спецыяльных службаў. І нашы міністэрствы абароны знаходзяцца ў партнёрскім пастаянным кантакце. Таму, вядома, гэта прычыны для турботы не толькі Менска, але і Масквы, бо мы сапраўды саюзнікі і партнёры», – заявіў Пяскоў.
Нагадаем, на мінулым тыдні ў Беларусі заявілі, што з украінскага боку мяжы заўважанае павелічэнне вайсковай прысутнасці. Спікер Дзяржаўнай памежнай службы Украіны Андрэй Дземчанка, каментуючы на просьбу Свабоды сітуацыю, заявіў, што Украіна не пагражае Беларусі, а наадварот, вымушаная абараняцца, бо «Беларусь працягвае падтрымліваць тэрарыстаў і ў свой час адкрыла мяжу для расейскіх акупантаў».
Беларускае Радыё Рацыя
