У Крамлі радуюцца вяртанню дадому шпіёнаў і кілера, якіх абмянялі на амерыканскіх заложнікаў і ўласных дысідэнтаў. Але гэта ніякім чынам не сведчыць пра набліжэнне міру ва Украіне, піша The Washington Post.
Так, прадстаўнік Крамля Дзмітрый Пяскоў хутка абверг любыя здагадкі пра тое, што абмен азнаменаваў размарожванне адносін з Захадам, якое магло б адкрыць шлях да мірных перамоваў у вайне супраць Украіны.
“Калі мы гаворым пра Украіну і больш складаных міжнародных праблемах, гэта зусім іншая справа. Там прынцыпы зусім іншыя. Гэта прынцыпы нацыянальных інтарэсаў нашай краіны, інтарэсаў нацыянальнай бяспекі, і там работа вядзецца ў іншым рэжыме і па іншых прынцыпах”, – сказаў Пяскоў, адказваючы на пытанне The Washington Post, ці з’яўляецца абмен прыкметай таго, што Расея гатовая пайсці на кампраміс і спыніць уварванне ў свайго суседа.
Таццяна Станавая, расейскі аналітык і заснавальніца кампаніі R. Politik па палітычных кансультацыях, якая зараз знаходзіцца ў Францыі, сказала, што ніхто не павінен чакаць прарыву ў амерыкана-расейскіх адносінах пасля абмену, падчас якога Расея вызваліла 16 зняволеных, у тым ліку некаторых вядомых расейскіх апазіцыянераў.
“Няма прыкмет таго, што цяперашні абмен будзе садзейнічаць мірным перамовам па Украіне”, – сказала Становая. “Затое гэта адлюстроўвае бягучую сітуацыю, калі кожны бок вучыцца жыць з узаемнай непрымірымасцю”.
Паводле unian.net
