Лідары Еўразвяза дамовіліся падоўжыць санкцыі, накладзеныя на Расею з-за нападу на Украіну, яшчэ на шэсць месяцаў. Пра гэта паведамляюць агенцтвы Reuters і AFP са спасылкай на свае крыніцы.
Пастанова была прынятая на саміце Еўразвяза ў Брусэлі, афіцыйна яна яшчэ не апублікаваная.
Да саміту былі асцярогі, што Венгрыя будзе супраць падаўжэння санкцый, якія трэба пацвярджаць кожныя паўгода. Санкцыі закранаюць, сярод іншага, замарожаныя расійскія суверэнныя актывы (рэзервы Цэнтрабанка) у краінах Еўразвяза, на суму 200 млрд еўра.
Беларускае Радыё Рацыя
