Літва чакае прыбыцця новай групы палітвязняў, пра гэта заявіў дэпутат Сейма Літвы Рэмігіюс Матузас. У яго няма дадзеных пра тое, колькі людзей прыедуць з Беларусі ў Літву.
“Пакуль гэта канфідэнцыяльна, і мы дакладна не ведаем, але такая аперацыя была і будзе працягвацца”, — сказаў дэпутат у размове з літоўскім выданнем LRT.
Ён дадаў, што яго краіна возьме на сябе абавязак паклапаціцца пра вызваленых людзей.
На гэтым тыдні беларускі дыктатар заявіў пра гатовасць заключыць “вялікую здзелку” з ЗША. Ён загаварыў пра гэта падчас нарады па развіцці беларуска-амерыканскіх адносін.
Беларускае Радыё Рацыя
