На пасяджэнні Камітэта па міграцыі Парламенцкай Асамблеі Рады Еўропы кіраўніца дэлегацыі дэмакратычных сілаў Беларусі ў ПАРЭ Аляксандра Мамаева прэзентавала новы ІТ-інструмент, прызначаны для імплементацыі Люксэмбурскіх рашэнняў — комплексу рэкамендацыяў, накіраваных на вырашэнне праблемаў беларусаў у выгнанні.
Кажа Аляксандра Мамаева:
– Ідэя – стварыць вось такі ІТ-інструмент па імплементацыі гэтых люксембургскіх рашэнняў, каб мы не проста прыходзілі вось з гэтай прыгожай брашурай, якую там надрукавалі і прасілі парламенты імплементаваць гэтыя рэкамендацыі, якія там ёсць, каб ПАРЭ звярталася да гэтых краінаў і запытвала: а як вы іх сапраўды ўжо імплементуеце? Каб краіны распавядалі, што яны ў гэтым накірунку робяць, як яны праблемы беларусаў у розных краінах вырашаюць.
Паводле Мамаевай, платформа будзе карысная не толькі грамадзянам Беларусі, але і Еўрапейскай камісіі, нацыянальным парламентам і мясцовым уладам у краінах, дзе жывуць беларусы. Асабліва гэта актуальна для федэратыўных дзяржаў, такіх як Нямеччына і Аўстрыя, дзе шмат што залежыць ад рашэнняў на мясцовым узроўні.
Цалкам матэрыял:
Беларускае Радыё Рацыя
Фота з архіва Аляксандры Мамаевай
