Аляксандр Лукашэнка задаволіў заявы аб прыёме ў грамадзянства Беларусі і даванні прыстанішча замежных грамадзян і асоб без грамадзянства. Новымі грамадзянамі Беларусі сталі 257 чалавек, у тым ліку 15 непаўналетніх.
Гэта людзі з Украіны, Расеі, Малдовы, Казахстана, Арменіі, Узбекістана, Туркменістана, Грузіі, Сірыі, Палестыны і іншых.
Акрамя гэтага, Лукашэнка даў прытулак польскаму экс-суддзі Томашу Шміту, якога па “палітычных матывах” пераследуюць у Польшчы.
Нагадаем, Томаш Шміт вясной выехаў з Польшчы ў Беларусь і папрасіў палітычнага прытулку. Ён рэгулярна выступае з абвінавачваннямі супраць польскіх уладаў і хваліць рэжым Лукашэнкі.
