Аляксандр Лукашэнка накіраваў спачуванне прэзідэнту Ірану Масуду Пэзэшкіяну ў сувязі з гібеллю Вярхоўнага лідара гэтай краіны Алі Хаменэі.
Тэкст спачування апублікаваны на афіцыйным сайце Лукашэнкі.
“З глыбокім болем і смуткам у Рэспубліцы Беларусь успрынялі трагічную навіну аб гібелі вярхоўнага лідара Ісламскай Рэспублікі Іран Алі Хаменэі ў выніку вераломнай атакі”, — гаворыцца ў спачуванні.
Там указваецца, што духоўны лідар застаўся верным свайму народу да апошняга ўздыху і мужна прыняў пакутніцкую смерць, адстойваючы суверэнітэт і незалежнасць Ірану.
“Памяць аб Алі Хамэнэі, яго служэнні краіне захаваецца ў сэрцах мільёнаў людзей. Яго жыццёвы шлях застанецца часткай нацыянальнай спадчыны Ірана і важнай старонкай сусветнай гісторыі”, — напісаў беларускі дыктатар.
Беларускае Радыё Рацыя
