Аляксандр Лукашэнка на сённяшняй нарадзе выказаўся пра магчымую дату правядзення “выбараў”.
“Наступныя выбары прэзідэнта Беларусі, паводле Канстытуцыі, мы павінны правесці не пазней за 20 ліпеня. Вось крайні тэрмін – 20 ліпеня, да якога мы павінны правесці выбары. І трэба вельмі ўдумліва паставіцца да вызначэння дня галасавання. І перыяду, на які ляжа электаральная нагрузка, паколькі давядзецца адцягнуць людзей, працоўныя рэсурсы ў тыя камісіі, якія мы будзем ствараць. Неабходна зрабіць усё, каб нічога не парушыла звыклы рытм жыцця краіны,» – сказаў Лукашэнка, перадае яго прэс-служба.
Нагадаем, у сярэдзіне жніўня аб’яднанне былых беларускіх сілавікоў BELPOL са спасылкай на крыніцы заявіла, што выбары плануецца правесці 23 лютага 2025 года.
Беларускае Радыё Рацыя
