“Дзякуючы моцнаму лідарству прэзідэнта Трампа сёння былі вызвалены 14 зняволеных з Беларусі. Дзякуй ураду Літвы за супрацоўніцтва і дапамогу — яны застаюцца сапраўдным сябрам і саюзнікам, – напісаў у сетцы X Джон Коўл, намеснік спецпасланніка прэзідэнта ЗША па Украіне Кіта Келага.
Стала вядома, што сярод вызваленых палітвязень Сяргей Ціханоўскі, муж Святланы Ціханоўскай. А таксама экс-дацэнтка МДЛУ Наталля Дуліна.
Вызваленая Галіна Краснянская – 69-гадовая беларуска Швецыі атрымала 5 гадоў зняволення. Вызвалены Кірыл Балахонаў – 21-гадовы хлопец быў асуджаны па справе «Саюза Беларускага Нацыянальнага Шчыта». Вызваленыя бізнесовец Сяргей Шэлег, журналіст Ігар Карней, Акіхіра Гаеўскі-Ханада.
Усе яны вывезеныя з Беларусі ў Літву, дзе іх стустрэла Святлана Ціханоўская.
Гэта стала магчымым у выніку візіту ў Менск спецыяльнага прадстаўніка прэзідэнта ЗША Дональда Трампа Кіта Келага.
