Нікалас Мадура можа наведаць Беларусь ужо ў кастрычніку-лістападзе бягучага года, пра гэта паведаміў у нядзелю прэм’ер Беларусі Раман Галоўчанка, паведамляе sputnik.by.
Раней Аляксандр Лукашэнка павіншаваў Мадуру з перамогай на выбарах і выказаў спадзяванне, што да канца года адбудзецца іх сустрэча.
Паводле слоў Рамана Галоўчанкі, у Менску разлічваюць і на візіт кіраўніка Нікарагуа Даніэля Артэгі. Галоўчанка зазначыў, што ў дзвюх краін “усё выдатна складваецца”, таму нікарагуанскі прэзідэнт рыхтуецца прыехаць у сталіцу Беларусі.
