У Кіеве завяршыўся Форум Астрожскіх, дзе беларускія і ўкраінскія эксперты, палітыкі і медыя абмяркоўвалі шляхі вырашэння ключавых праблем у двухбаковых стасунках. Так украінскі дэпутат Аляксей Ганчарэнка заявіў, што Украіна мае права пераносіць ваенныя дзеянні на тэрыторыю Беларусі.
Сітуацыю каментуе ўдзельнік Форума, кіраўнік Цэнтра беларускіх камунікацый Максім Пляшко:
– Юрыдычна гэта суагрэсар, там ёсць вайсковыя цэлі, якія нам пагражаюць. Беларускія вайсковыя прадпрыемствы на поўную загрузку працуюць, нават у начныя змены, на расейскую ВПК. Рамантуючы тэхніку, беларуская эканоміка актыўна працуе на вайну супраць Украіны. Гэта відавочна, што ёсць легітымнай цэллю.
– Ва Украіне сітуацыя стабільная на мяжы, нам не патрэбная новая кропка напружання, гэта не ў нашых стратэгічных інтарэсах. Давайце будзем сумленнымі, зараз гэта не патрэбна, але сітуацыя, якая ёсць, можа быць легітымнай.
Падчас Форуму Астрожскіх у Кіеве былі таксама абмеркаваны пытанні бяспекі, сацыяльнай палітыкі, культуры і іншых сфераў. Таксама была абмеркавана перспектыва двухбаковага стратэгічнага дыялогу і ўключэння Беларусі ва «Украінскую формулу міра».
Цалкам гутарку слухайце ў далучаным файле:
Беларускае Радыё Рацыя
Фота: facebook
