Супраца паміж самаўрадам ваяводства і беларускай меншасцю, а таксама развіццё Цэнтру беларускай культуры ў Беластоку — такімі былі галоўныя тэмы сустрэчы маршалка Падляшскага ваяводства Лукаша Пракорыма з Паўлам Латушкам – намеснік кіраўніцы АПК Святланы Ціханоўскай. Яна адбылася ў панядзелак, 13 траўня, у Маршалкоўскай управе.
Лукаш Пракорым, вітаючы аднаго з лідараў беларускай апазіцыі, падкрэсліў, што справы беларускай меншасці заўсёды былі для яго вельмі важныя. Паводле яго слоў, ён даказаў гэта, займаючы сваю папярэднюю пасаду старшыні Рады горада Беластока.
“І надалей гэтая справа будзе для мяне важнай. Беларуская меншасць з’яўляецца вельмі важным элементам нашага рэгіёна і нашай культуры“, – адзначыў ён. Пракорым запэўніў, што адкрыты да прапановаў беларускай меншасці. “Дэмакратычная і свабодная Беларусь таксама вызначае бясьпеку нашай краіны,” – сказаў Лукаш Пракорым.
Гэтыя словы з вялікім задавальненнем успрыняў Павел Латушка, які павіншаваў новага маршалка з уступленнем на пасаду. “Гэта вельмі важная і ганаровая пасада. Я веру, што супрацоўніцтва з дэмакратычнымі сіламі Беларусі будзе працягвацца і нават пашырацца», — сказаў ён і пажадаў поспехаў на гэтай пасадзе.
У сваю чаргу Роберт Тышкевіч, каардынатар па справах польскай дыяспары і палякаў замежжа Сената Рэспублікі Польшча, падкрэсліў важнасць гэтай сустрэчы.
Падчас сустрэчы яе ўдзельнікі абмеркавалі, сярод іншага, формы супрацы беларускай меншасці з ваяводскім урадам, а таксама развіццё Цэнтра беларускай культуры (ЦКБ).
У сустрэчы таксама ўдзельнічалі: Ірына Халопіца з НАУ, Кацярына Ваданосава і Наталля Сцяпанцова – прадстаўніцы беларускай дыяспары ў Беластоку, др. Анатоль Вап – дырэктар ЦБК і праф. Алег Лактышонак з ЦБК, а таксама Гражына Сабецкая – в.а дырэктара Дэпартамента міжнароднага супрацоўніцтва Маршалкоўскай управы.
Фота: Mateusz Duchnowski
