Фота: PAP
З першым афіцыйным замежным візытам маршалак польскага Сойму адправіўся ў Літву. Шымон Галоўня сустрэнецца ў Вільні з літоўскімі ўладамі і палякамі, якія там жывуць.
Сёння палітык сустрэнецца з прэзідэнтам Літвы Гітанасам Наўседам, прэм’ер-міністрам Інгрыдай Шыманітэ і старшынёй літоўскага парламента Вікторыяй Чмілітэ-Нільсэн. Перамовы будуць датычыць як двухбаковых адносінаў, так і становішча польскай меншасці ў Літве і літоўскай меншасці ў Польшчы, а таксама пытанняў, звязаных з ваюючай Украінай.
Дарадца сьпікера Сэйму Літвы Аляксандр Радчанка паведаміў “Польскаму радыё”, што візіт маршалка Галоўні з’яўляецца сімвалам таго, што палітыка Варшавы ў дачыненні да Вільні і супольнага польска-літоўскага стратэгічнага партнёрства не змяняецца.
“З улікам таго, што бяспека Літвы і краін Балтыі грунтуецца на Польшчы, як асноўнай апоры абароны на ўсходнім флангу NATO, гэты візіт з’яўляецца вельмі важным сігналам”, – тлумачыць ён.
У Вільні Шымон Галоўня сёння таксама сустрэнецца з прадстаўнікамі польскай меншасці, а заўтра са студэнтамі Віленскага ўнівэрсітэту. Ён таксама наведае памятныя месцы на могілках у Антаколі і Росах.
