Палітычная зняволеная журналістка Марына Золатава ўзнагароджана прэміяй за свабоду слова і прэсы. У нямецкім Шорндорфе прайшла цырымонія ўручэння міжнароднай прэміі імя Іагана Філіпа Пальма за свабоду слова і свабоду друку.
У гэтым годзе лаўрэатамі прэміі сталі экс-галоўны рэдактар TUT.BY Марына Золатава і афганскае выданне Zan Times, паведамляе Deutsche Welle. Прэмія прысуджаецца 12-ты раз. Яна ўручаецца тым, хто адстойвае свабоду слова і прэсы.
Марыну Золатава затрымалі ў траўні 2021 года. У 2023 годзе яе прыгаварылі да 12 гадоў пазбаўлення волі.
