Міністры абароны Польшчы і Літвы Уладзіслаў Касіняк-Камыш і Лаўрынас Кашчунас 3 ліпеня сустрэліся каля мяжы з Беларуссю і абмеркавалі «гібрыдную вайну» на межах Беларусі з краінамі Еўразвязу.
Візіт кіраўніка польскага міністра абароны ў Літву пачаўся з наведвання міністрамі кантрольнага пункту літоўскай памежнай службы ў Падварэнісе, размешчаным непадалёк ад памежнага пераходу Меднікі — Каменны Лог.
Выступаючы перад памежнікамі, Уладзіслаў Касіняк-Камыш падкрэсліў, што «На мяжы ідзе гібрыдная вайна, яна ідзе таксама ў Літве, Латвіі і Эстоніі, на кожнай з нашых межаў. Сёння польская мяжа падвяргаецца самым інтэнсіўным атакам. (…) Польская дзяржава не супакоіцца, пакуль мы не знойдзем вінаватага і Польская дзяржава разам са сваімі саюзнікамі зробіць усё, каб яшчэ лепш абараніць усходнюю мяжу Еўразвязу і NATO», — заявіў палітык. Далей перамовы міністраў прадоўжыліся ў Вільні.
Беларускае Радыё Рацыя
Фота: x.com/Lithuanian_MoD/status
