“Псеўдавыбарамі” назвала прэзідэнцкую выбарчую кампанію ў Беларусі маршалак Сената Польшчы Малгажата Кідава-Блоньска на брыфінгу па выніках сустрэчы з дэмлідарам Святланай Ціханоўскай.

“Мы абавязаліся, што тут з польскага Сената будзе вельмі моцны сігнал і голас, што мы гэтыя выбары не прызнаем, – сказала палітык. — Нельга казаць пра свабодныя выбары, калі больш за 1 300 чалавек сядзяць у турмах — асуджаных за палітычныя погляды, за тое, што жадаюць дэмакратыі“.
Палітык выказала надзею, што аналагічная ацэнка кампаніі прагучыць у Сейме Польшчы, а таксама ад іншых еўрапейскіх парламентаў.
Беларускае Радыё Рацыя
Фота: (acebook.com/kinogramwarszawa