У выбарчы фонд кандыдата ў прэзідэнты Аляксандра Лукашэнкі да 27 лістапада паступіла 610 120 рублёў, сведчыць апублікаваная Цэнтральнай выбарчай камісіі прамежкавая справаздача. Праведзены “Паглядам” аналіз дадзеных ЦВК сведчыць, што за тыдзень сума сродкаў у яго фондзе павялічылася на 9,5%. Пры гэтым на кампанію Лукашэнкі сабрана ў 20,7 разы больш, чым на астатніх чатырох прэтэндэнтаў на пасаду (у іх агулам на ўсіх усяго 29 тысяча 440 рублёў).
Збор подпісаў за вылучэнне кандыдатаў на пасаду прэзідэнта працягнецца да 6 снежня. Згодна з Выбарчым кодэксам, для ўдзелу ў выбарах прэтэндэнту на прэзідэнцкую пасаду неабходна сабраць не менш за 100 тысяч подпісаў.
