Прадстаўнікі Аб’яднанага Пераходнага Кабінета стануць спікерамі панэльных дыскусій на канферэнцыі «Новая Беларусь». Так Павел Латушка, прадстаўнік Кабінета па транзіце ўлады, прыме ўдзел у панэлі «Як абараніць незалежнасць Беларусі і супрацьдзейнічаць «Выбарам–2025». Уладзімір Астапенка, в.а. прадстаўніка па замежных справах Кабінета, далучыцца да дыскусіі «Як не дапусціць жалезнай заслоны». Аліна Коўшык, прадстаўніца па нацыянальным адраджэнні Кабінета, выступіць падчас панэлі «Беларуская ідэнтычнасць у 2025 годзе». Дэмакратычная лідарка Святлана Ціханоўская 3 жніўня на працягу 50 хвілін будзе адказваць на пытанні з залі ад удзельнікаў канферэнцыі «Новая Беларусь».
На канферэнцыі таксама выступяць спецпасланнік Польшчы па сувязях з дэмакратычнай Беларуссю Артур Міхальскі, пасол Украіны па асаблівых даручэннях па Беларусі Ігар Кізім, дарадца Ціханоўскай Франак Вячорка, праваабаронцы, чальцы Каардынацыйнай Рады ды іншыя асобы.
Беларускае Радыё Рацыя
