Вайна ва Укаіне. Ночная атака беспілотнікаў на Украіну. Расея ўмацоўвае мяжу і вядзе дыверсійную дзейнасць.
У нядзелю на фронце ва Украіне адбыліся 74 баявыя сутычкі з расейцамі, гаворыцца ў справаздачы ўкраінскага генштабу.
Расейцы выпусцілі 7 рэактыўных снарадаў і нанеслі 10 авіяўдараў, таксама вяліся артылерыйскія абстрэлы. Ёсць параненыя і загінулыя сярод мірнага насельніцтва. Былі разбураны навучальная ўстанова, жылыя дамы і іншыя элементы грамадзянскай інфраструктуры.
Мінулай ноччу расейцы зноў задзейнічалі беспілотнікі «Шахед» — усяго восем. Усе яны былі збітыя ўкраінскімі СПА, не дасягнуўшы цэляў. Яны абрынуліся на Чарнігаўскую і Сумскую вобласці.
Украінцы адбівалі расейскія атакі ў напрамку Лімана, Бахмута і Харкава. Расея падтрымлівае значную ваенную прысутнасць у памежнай з Украінай зоне і вядзе дыверсійную дзейнасць, каб не даць украінскім войскам пранікнуць на сваю тэрыторыю.
Беларускае Радыё Рацыя
