У памежнай з Украінай Белгарадскай вобласці Расеі ўведзены рэжым надзвычайнага становішча. Рашэнне прадыктавана атакамі Узброеных сіл Украіны.
Губернатар Белгародскай вобласці Вячаслаў Гладкоў у сацсетках паведаміў аб увядзенні рэжыму надзвычайнага становішча «на рэгіянальным узроўні» з магчымасцю яго пераводу «на федэральны ўзровень».
З дзявятага жніўня ў памежных з Украінай Курскай, Белгарадскай і Бранскай абласцях дзейнічае «рэжым анты-тэрарыстычнай Аперацыі (АТО)». Яго ўвялі ў мэтах «гарантавання бяспекі грамадзян і падаўлення пагрозы тэрарыстычных актаў з боку ўкраінскіх дыверсійна-разведвальных падраздзяленняў з украінскага боку».
Два дні раней, 7 жніўня, надзвычайнае становішча рэгіянальнага ўзроўню было ўведзена ў Курскай вобласці ў сувязі з абстрэлам Узброеных сіл Украіны і баявымі дзеяннямі ў рэгіёне. Праз два дні ён быў перакваліфікаваны ў федэральны ўзровень.
У панядзелак расейцы пацвердзілі, што ўкраінскія войскі ўзялі пад кантроль як мінімум 28 гарадоў у Курскай вобласці.
Іншага меркавання прытрымліваецца Кіеў. У аўторак галоўнакамандуючы Узброенымі сіламі Украіны Аляксандр Сырскі падчас дакладу прэзідэнту паведаміў, што ўкраінскія войскі за 13 жніўня прасунуліся ў Курскай вобласці на адлегласць ад 1 да 3 кіламетраў і атрымалі кантроль над тэрыторыяй у 40 квадратных кіламетраў. Паводле Сырскага, цяпер пад кантролем Украіны знаходзяцца 74 населеныя пункты Курскай вобласці Расеі.
Беларускае Радыё Рацыя
Фотв: расСМІ
