Дзяржсакратар ЗША Марка Рубіё 15 лютага прыбыў у Ізраіль з першым візітам пасля ўступлення на пасаду. Візіт адбыўся адразу пасля Мюнхенскай канферэнцыі па бяспецы, што падкрэслівае асаблівае значэнне, якое Вашынгтон надае Ізраілю ў сучасных міжнародных працэсах.
Асаблівую ролю Ізраіля ў палітыцы бяспекі як ЗША, так і Еўропы, адзначае беларускі грамадскі актывіст, жыхар Ашкелона Барыс Балтэ:
-Галоўнае зараз – гэта стратэгія адміністрацыі Трампа па Блізкім Усходзе, каардынацыя з саюзнікамі ЗША. Ізраіль не так моцна зацікаўлены еўрапейскімі пытаннямі, акрамя таго тут вайна, свае праблемы. Прымае невялікі ўдзел у еўрапейскіх справах, з вяртаннем Трампа ў Белы дом Ізраіль пачаў перадаваць зброю Украіне, але робіцца гэта не на прамую.
Балтэ таксама адзначыў, што досвед такіх ізраільскіх лабісцкіх арганізацый, такіх як AIPAC , можа быць карысны беларускай апазіцыі ў барацьбе за вызваленне палітвязняў і узмацнення сваёй ролі ў свеце.
Цалкам гутарка:
Беларускае Радыё Рацыя
Фота: Кобі Гідыён/GPO
