Пра адключэнне інтэрнэту ў Беларусі эксперты разважалі тэарэтычна апошнія тры гады, пакуль у навагоднюю ноч не адбыўся падазроны збой у працы YouTube. Ці могуць падобныя збоі быць зладжаны з боку Менску падчас анлайн-выбараў у Каардынацыйную раду сёлета, разважае прадстаўніца “Кіберпартызан” Юліяна Шэметавец:
– Тэарэтычна могуць. Гледзячы на тое, якая тэхналогія будзе абраная на выбарах у галасаванні. Мы таксама на сувязі з Паўлам Ліберам. Будзем кансультавацца, вырашаць, выбіраць найлепшы спосаб, але пакуль нельга на 100% сказаць, што ГУБАЗіК не зможа ўмяшацца. Мы спрабуем і робім усё магчымае, каб тэхналогія была бяспечнай і гарантавала, што адзін чалавек – адзін голас.
Выбары ў Каардынацыйную раду павінны адбыцца ўжо ў сакавіку. Гэта будзе ўжо яе трэці склад. У новай радзе будзе 120 чалавек, з якіх 8 зараз знаходзяцца за кратамі. Яе абяруць на два гады, і зрабіць гэта можа кожны беларус праз анлайн-галасаванне.
Беларускае Радыё Рацыя
