Расейскія дроны 8 верасня зноў парушылі паветраную прастору НАТА, паведамляе unian.net. Ігнараванне гэтых нападаў можа прывесці да эскалацыі.
З пачатку вайны расейскія ракеты і беспілотнікі неаднаразова ўрываліся ў паветраную прастору краін-чальцоў НАТА, ствараючы рызыку эскалацыі. Украіна заклікала НАТА да стварэння супрацьпаветранага шчыта для абароны сваіх межаў і ўсходняй Еўропы.
Як адзначаюць у Foreign Policy, раніцай 8 верасня расейскі беспілотнік перасёк паветраную прастору Румыніі, што выклікала неадкладную рэакцыю з боку румынскіх сіл абароны, якія ўзнялі ў неба знішчальнікі F-16 для маніторынгу.
На наступны дзень беспілотнік іранскага тыпу Shahed з узрыўчаткай, запушчаны з Беларусі, разбіўся ў Латвіі непадалёк ад горада Рэзекне.
Гэта не адзінкавыя выпадкі: ад пачатку вайны расейскія ракеты і беспілотнікі неаднаразова парушалі паветраную прастору краін НАТА, такіх як Польшча, Латвія і Румынія.
Украіна спрабуе актывізаваць дзеянні сваіх саюзнікаў і заклікала НАТА збіваць ракеты і дроны, якія ляцяць у бок краін Альянсу праз тэрыторыю Украіны. На першы погляд, гэта можа здацца ўмяшаннем НАТА ў канфлікт, аднак размова ідзе толькі пра абарону ўласнай паветранай прасторы саюзнікаў.
На працягу вайны былі выпадкі, калі расейскія ракеты і дроны траплялі ў аб’екты на тэрыторыі НАТА, што павышае рызыку прымянення Артыкула 5 – палажэнні аб калектыўнай абароне Альянсу. Шчыт супрацьпаветранай абароны дапамог бы пазбегнуць такіх крызісных сітуацый, папярэджваючы далейшыя правакацыі з боку Расеі.
