Расейскія войскі ў ноч на 29 кастрычніка атакавалі мірныя гарады Украіны баявой авіяцыяй, артылерыяй і дронамі. Найбольш пацярпелі Харкаў, Крывы Рог і Кіеў.
У Харкаве ў выніку расейскага авіяўдару загінулі чатыры і атрымалі раненні сем чалавек. Як паведаміў мэр горада Ігар Церахаў, расейцы ўдарылі ў прыватны сектар: чатыры дамы знішчаныя цалкам, яшчэ 19 пашкоджаныя.
Па Крывым Рогу расейцы нанеслі ракетны ўдар. Пацярпеў жылы квартал з вельмі шчыльнай шматкватэрнай забудовай. Удалося выратаваць пяць чалавек, 14 пацярпелі. У лякарні памёр 39-гадовы мужчына, стан яшчэ аднаго пацярпелага застаецца цяжкім. У Кіеве пацярпелі 15 чалавек.
Беларускае Радыё Рацыя
