Развітанне з Аляксеем Навальным адбудзецца 1 сакавіка, напісала прэс-сакратар палітыка Кіра Ярмыш у сваім акаўнце ў сацсетцы X.com.
Яна заклікала прыходзіць на жалобную цырымонію загадзя. Адпяванне адбудзецца ў храме ў маскоўскім раёне Мар’іна, а пахаванне – на Барысаўскіх могілках на поўдні расейскай сталіцы. Раней паплечнікі палітыка заявілі, што не могуць знайсці памяшканне для грамадзянскай паніхіды, ім усюды адмаўлялі.
Пра смерць Навальнага ў калоніі ў Ямала-Ненецкай аўтаномнай акрузе стала вядома 16 лютага. Афіцыйна прычына смерці называецца “натуральнай”, паплечнікі гавораць пра забойства.
Беларускае Радыё Рацыя
