Фота: t.me/drozdenko_au_lo
Пад Пецярбургам украінскія дроны атакавалі марскі тэрмінал. У Інтэрнэце з’явіліся здымкі і відэа на якіх відаць, што гарыць газасховішча і мясцовы НПЗ. Пажар у тэрмінале порта Усць-Луга пачаўся пасля двух выбухаў.
Пра гэта заявіў кіраўнік Кінгі-сепскага раёна. Пра прычыну выбухаў да гэтага часу ніякай афіцыйнай інфармацыі расейскія ўлады не паведамілі. Буйны газавы тэрмінал кампаніі “Новатэк” належыць сябру Пуціна Генадзю Цімчанку. Сам порт ва Усць-Лузе з’яўляецца стратэгічна важным для Расеі.
Праз гэты порт беларускія НПЗ экспартуюць нафтапрадукты пасля забароны транзіту праз Літву.
Таксама, як паведамляюць украінскія СМІ ўначы беспілотнікі атакавалі Арлоўскую, Бранскую і Смаленскую вобласці Расеі. У Туле ўдар нанеслі па заводзе “Шчаглоўскі вал”, дзе рамантуюць і выпускаюць вайсковую тэхніку.
