Пакістан у ноч на 27 лютага нанёс авіяўдары па тэрыторыі Афганістане, у тым ліку па сталіцы — Кабулу. Пра гэта паведамляе Deutsche Welle.
Міністр абароны Пакістана Хаваджа Асыф заявіў, што пасля некалькіх месяцаў узброеных сутыкненняў напружанне перарасло ў «адкрытую вайну» з рухам Талібан. Паводле пакістанскага боку, удары таксама былі нанесеныя па правінцыях Пактыя і Кандагар.
У Ісламабадзе сцвярджаюць, што мэтай былі лагеры баевікоў каля мяжы ў адказ на серыю тэрактаў у Пакістане.
Учора прадстаўнікі «Талібана» паведамілі пра «маштабнае наступленне» на памежныя пасты і заявілі пра значныя страты з боку Пакістана. Афіцыйны Ісламабад пакуль пацвердзіў гібель двух вайскоўцаў.
Адносіны паміж бакамі рэзка пагоршыліся восенню 2025 года: Пакістан абвінавачвае афганскія ўлады ў бяздзеянні супраць узброеных груповак, якія ўчыняюць атакі на яго тэрыторыі. Талібы гэтыя абвінавачанні адкідваюць.
Беларускае Радыё Рацыя
