Былая палітзняволеная Паліна Шарэнда-Панасюк працягвае змаганне супраць артыкула 411 Крымінальнага кодэкса Рэспублікі Беларусь.
На дадзеным этапе яна збірае сведчанні вызваленых палітвязняў, якія пацярпелі ад гэтага чорнага артыкула, гаворыць Паліна Шарэнда-Панасюк:
-Сведчанні Юрася Зянковіча, Алены Гнаўк, рыхтуюцца яшчэ некалькі сведчанняў. І таксама былі пасты салідарнасці, напрыклад, з тымі людзьмі, якія працягваюць утрымлівацца ў зняволенні, у прыватнасці, Мікіта Емяльянаў, які сем год знаходзіцца ў зняволенні, у тым ліку дзякуючы трохразоваму працягненню па 411 артыкуле.
Паводле Паліны Шарэнды-Панасюк, аналагаў падобнага артыкулу ў цывілізаваным свеце няма. Нават у Расеі непажаданых зняволеных пераводзяць на строгія ўмовы ўтрымання, але не дадаюць тэрмін. А рэжым у Беларусі выкарыстоўвае арт. 411 для бясконцага ўтрымання вязня за кратамі, катуючы яго фізічна і маральна.
Цалкам гутарка:
Беларускае Радыё Рацыя
