Парламенцкая асамблея Рады Еўропы ў рэзалюцыі па сітуацыі ва Украіне ўказала, што па стане на 18 верасня 65 тысяч 956 украінскіх вайскоўцаў і мірных жыхароў лічацца як зніклыя без вестак або палонныя.
Пры гэтым у ПАРЕ зазначаюць, што амаль 51 тысяча з іх лічацца зніклымі бяз вестак на падставе праверанай інфармацыі. «Насамрэч іх колькасць нашмат большая», — гаворыцца ў рэзалюцыі.
ПАРЕ зазначае, што сярод вызваленых раней з расейскага палону траціна людзей дагэтуль лічыліся зніклымі бяз вестак, бо Расея «не прадставіла своечасовую інфармацыю пра іх лёс насуперак сваім міжнародным абавязацельствам». Еўрапейскія дэпутаты падкрэслілі, што прымаючы рэзалюцыю, хацелі б стаць «голасам ваеннапалонных і цывільных асоб, якіх утрымліваюць у Расеі або на часова акупаваных тэрыторыях Украіны».
