BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

Панама пасля візіту дзяржсакратара ЗША адмовілася ад супрацоўніцтва з Кітаем

Пасля пагроз прэзідэнта ЗША Дональда Трампа вярнуць Панамскі канал і візіту дзяржаўнага сакратара ЗША Марка Рубіа ў Панаму прэзідэнт краіны Рауль Мулін заявіў, што Панама не будзе аднаўляць мемарандум пра супрацоўніцтва з кітайскай ініцыятывай “Адзін пояс, адзін шлях”.

Як піша The Washington Post, Мулін назваў свае перамовы з Рубіа “паважлівымі” і “пазітыўнымі”. У той жа час ён заявіў, што Панама не будзе працягваць пагадненне ад 2017 года з кітайскай ініцыятывай “Пояс і шлях”, калі тэрмін яго дзеяння скончыцца.

Як піша выданне, нягледзячы на ​​тое, што Муліна адпрэчыў любыя перамовы аб суверэнітэце Панамскага канала, існуе меркаванне, што Панама можа быць адкрыта для кампрамісу, пры якім аперацыі па кіраванні каналам будуць адабраны ў ганконгскай кампаніі Hutchison Ports, якой было дадзена права кіраваць ім у працягу 25 гадоў без тэндэру.

Пры гэтым пакуль нясяна, ці пагодзіцца Трамп з перадачай канцэсіі амерыканскай ці еўрапейскай кампаніі як з задавальненнем сваіх патрабаванняў, піша WP.