Канклаў кардыналаў пачаўся 7 траўня, але ў першым туры галасавання Папа не быў абраны.
У сераду, у дзень адкрыцця канклава, 133 кардыналы-выбаршчыкі, якія ўдзельнічалі ў ім, не змаглі абраць Папу ў першым туры галасавання. З коміна на даху Сікстынскай капэлы а 21-й гадзіне пачаў выходзіць чорны дым, які абвяшчаў, што пераемнік Папы Францішка не быў абраны. Ад сёння будуць праводзіцца два галасаванні раніцай і два пасля абеду.
Галоўным фаварытам застаецца былы дзяржаўны сакратар Святога Прастола кардынал П’етра Паролін, але растуць і «рэйтынгі» кардынала Франсіса Прэво з ЗША і кардынала Жан-Марка Авеліна з Францыі.
