Паслы 27 краін-сябраў Еўразвяза правядуць сёння, 18 студзеня, экстранае пасяджэнне пасля пагроз Дональда Трампа ўвесці пошліны ў дачыненні да краін, якія выступілі супраць яго прапановы аб “набыцці” Грэнландыі. Пра гэта піша ВВС.
Паводле амерыканскага прэзідэнта, з 1 лютага будзе ўведзены збор 10% (ён можа быць павялічаны да 25%), які закране Данію, Нарвегію, Швецыю, Францыю, Германію, Вялікабрытанію, Нідэрланды і Фінляндыю.
Трамп заявіў, што імпартныя мыты будуць дзейнічаць да той пары, «пакуль не будзе дасягнутая дамоўленасць аб поўнай і канчатковай куплі Грэнландыі».
Вашынгтон настойвае, што аўтаномная Дацкая тэрыторыя мае крытычнае значэнне для бяспекі ЗША, і не выключае прымяненне сілы.
Пасяджэнне намечана а 16:00 па Грынвічы ў Бруселі.
