Павел Латушка / Пабла Гансалес ці Павел Рубцоў, фота злева T. Jędrzejowski / Gazeta Polska – справа Twitter; kolaż niezależna.pl
«Пазаўчора я атрымаў апошні электронны ліст з пагрозамі забойства», — заявіў у інтэрв’ю Niezalezna.pl адзін з лідараў беларускай апазіцыі Павел Латушка. Нацыянальная пракуратура якраз расследуе справу аб падбухторванні расейскіх ці лукашэнкаўскіх службаў да забойства Латушкі. Раней пад следствам апынуліся, у тым ліку, былы амбасадар гэтай краіны ў Польшчы і Іспаніі Павел Рубцоў, ён жа Пабла Гансалес, які як фальшывы журналіст двойчы дамаўляўся з Латушкам пра размову.
Два дні таму справу Рубцова асвятляла іспанская штодзёнка ABC. Паведамлялася, што мішэнямі Рубцова, таксама вядомага як Пабла Гансалес, які быў экстрадаваны ў Расею ў рамках абмену шпіёнамі і палоннымі, былі беларускія апазіцыянеры, сярод якіх Павел Латушка. Былы амбасадар у Польшчы і Іспаніі, які выдаваў сябе за іспанскага журналіста Рубцова, двойчы наведваў яго ў офісе Нацыянальнага антыкрызіснага ўпраўлення (НАУ) — ценявога кабінета, створанага пасля фальсіфікацыі прэзідэнцкіх выбараў у Беларусі ў 2020 г., каб мірным шляхам пераняць уладу. Падставай для візітаў было нібыта жаданне ўзяць інтэрв’ю.
Задачай Рубцова, які кіраваўся ФСБ, быў збор інфармацыі пра Латушку і іншых беларускіх апазіцыянераў. Яго таксама цікавіла інфармацыя пра ўкраінскіх уцекачоў і дзяцей, незаконна дэпартаваных з Украіны ў Расею.
Як падкрэслілі ў «АВС», такія візіты «не дробязь», улічваючы, што пракуратура ў Польшчы распачала расследаванне аб падбухторванні да забойства беларускага апазіцыянера. Паводле інфармацыі Нацыянальнай пракуратуры, у жніўні 2022 года ў Пясечне агент замежнай выведкі схіляў іншага чалавека да забойства Латушкі.
Беларускае Радыё Рацыя паводле niezalezna.pl
.
