У Варшаве Павел Латушка, кіраўнік НАУ і прадстаўнік Аб’яднанага пераходнага кабінета, правёў сустрэчы з амбасадарамі Францыі, Літвы і Латвіі. Асноўным пытаннем было абмеркаванне далейшай падтрымкі беларускага грамадства і барацьбы за дэмакратыю.
Сярод галоўных тэмаў размоў былі:
– Падтрымка незалежных медыя і блогераў, якія выступаюць супраць прапаганды;
– Уключэнне Беларусі ў стратэгію бяспекі Еўразвязу;
– Узмацненне ціску на рэжым Лукашэнкі праз санкцыі і палітычную падтрымку.
“Рэжым разумее толькі мову сілы, таму Еўропа павінна быць дастаткова моцнай, каб падтрымліваць тых, хто змагаецца за свабоду”, – лічыць палітык.
