Гарманізаваць гандлёвыя санкцыі супраць Лукашэнкі і Пуціна. З такой прапановай выступае Народнае антыкрызіснае ўпраўленне.
Раней пра гэта казаў кіраўнік ініцыятывы, палітык Павел Латушка. Цяпер інфармацыю перадалі ў польскае Міністэрства замежных спраў. Таксама НАУ прапануе Еўразвязу прыняць праваабарончы санкцыйны пакет супраць імпарту груп тавараў, якія палітвязні вырабляюць ва ўстановах Дэпартамента выканання пакаранняў МУС Беларусі.
Кажа палітык Павел Латушка:
– Па пытаннях санкцыйнай палітыкі мы прапаноўваем санкцыйны пакет у сувязі з выкарыстаннем прымусовай працы палітзняволеных на тэрыторыі Беларусі – у турмах, у следчых арыштах. Канкрэтны пакет, з таварамі, з катэгорымі тавараў. Мы далі поўнае абгрунтаванне, каб гэта знаходзілася ва ўрадзе Польшчы. Усе гэтыя дакументы пайшлі.
Як паведамляе Народнае антыкрызіснае упраўленне, дакументы пайшлі ў польскі МЗС ды канцылярыю прэм’ер-міністра Польшчы.
Прыгадаем, раней МЗС Польшчы заклікаў прыняць новы праваабарончы санкцыйны пакет супраць рэжыму Лукашэнкі — за істотнае пагаршэнне правоў чалавека ў Беларусі і грубыя парушэнні нормаў міжнароднага права.
Беларускае Радыё Рацыя
