Лідар Беларускага Нацыянальна-Вызвольнага Руху «Вольная Беларусь» Зянон Пазьняк разам з актывістамі Паўлам Усавым і Юрыем Беленькім прапануюць уключыць у мірны план ЗША па расейскай агрэсіі супраць Украіны асобны пункт пра Беларусь.
«Апошнія месяцы адбываецца інтэнсіўная падрыхтоўка да перамоваў паміж Расеяй і Украінай. Прыярытэтам мірнага працэсу з’яўляецца спыненне ваенных дзеянняў і ўвядзенне сістэмы гарантый для Украіны». — гаворыцца ў звароце. Аднак, паводле Пазьняка, у праектах перамоваў не ўлічана, што тэрыторыя Беларусі па-ранейшаму выкарыстоўваецца Масквой як стратэгічны рэсурс для магчымай агрэсіі.
Пазьняк і ягоныя калегі лічаць, што гэта патэнцыйна небяспечная магчымасць для рэгіёну і павінна быць адлюстраваная ў мірным пагадненні. У сваім звароце яны заклікаюць уключыць пункт аб вывадзе расейскага войска і ядзернай зброі з тэрыторыі Беларусі дзеля гарантавання бяспекі ва ўсходняй Еўропе
