Памочнік Пуціна Юрый Ушакоў на брыфінгу для прэсы пасля завяршэння размовы Пуціна са спецпасланнікамі прэзідэнта ЗША Трампа Віткафам і Кушнерам заявіў, што кампрамісу па вайне ва Украіне бакі не дасягнулі, паведамляе Associated Press.
Таксама, паводле яго, сустрэчы Пуціна і Трампа пакуль не плануецца. Прадметам размовы, як паведаміў Ушакоў была “рамка плана Трампа, а не канкрэтныя фармулёўкі”. У прыватнасці, было абмеркавана тэрытарыяльнае пытанне.
“Некаторыя амерыканскія прапановы выглядаюць больш ці менш прымальнымі, але іх трэба абмяркоўваць. Некаторыя фармулёўкі, якія нам былі прапанаваныя, нам падыходзяць”, – сказаў пуцінскі памочнік.
Беларускае Радыё Рацыя
