9 сакавіка спаўняецца два гады з дня стварэння Беларускага палка імя Кастуся Каліноўскага ў складзе Сіл Абароны Украіны.
Агульныя вынікі ваеннай службы беларускіх добраахвотнікаў у складзе Палка ва Украіне адзначыў кіраўнік Цэнтра беларускіх камунікацый Максім Плешко:
– За два гады Полк імя Кастуся Каліноўскага стаў феноменам ва Украіне, робіць свой уплыў на ўкраінскую рэальнасць, на фронт. Феномен, які ўплывае на Беларусь, беларускае грамадства. Феномен які ўплывае і на агрэсара. Полк Каліноўскага паказвае ўкраінцам, што ёсць іншыя беларусы. Гэта ядро будучай беларускай арміі. Ад імя Цэнтра беларускіх камунікацый шчыра вітаю камандаванне Палка імя Кастуся Каліноўскага з нагоды двухгоддзя з дня заснавання. Здароўя, успешных выкананняў місій, жадаю перамогі Украіны і вызвалення Беларусі.
На сёння полк Каліноўскага – гэта баявая адзінка з разгалінаванай інфраструктурай. Полк уключае ў сябе пункты вярбоўкі ў Літве і Польшчы, валанцёрскія структуры, навучальныя цэнтры ва Украіне, дзе рыхтуюць добраахвотнікаў, медычную частку, прэс-цэнтр, уласную матэрыяльна-тэхнічную базу.
Падтрымаць Полк Каліноўскага можна тут.
Беларускае Радыё Рацыя
