Прэзідэнт Польшчы Анджэй Дуда падпісаў закон аб выхадзе краіны з Атаўскай канвенцыі аб супрацьпяхотных мінах.
«Беларусь на павадку ў Расеі: што скажа Пуцін, на тое і пагодзіцца Лукашэнка. Звярніце ўвагу, з якога кірунку была атакаваная Украіна. З боку Беларусі», – сказаў намеснік кіраўніка Мінабароны Польшчы Павел Бэйда. Ён не выключыў мінавання граніц з Беларуссю і Расеяй.
У сакавіку сёлета міністры абароны Эстоніі, Латвіі, Літвы і Польшчы выпусцілі супольную заяву пра выхад з Атаўскай канвенцыі праз «істотнае пагаршэнні сітуацыі з бяспекай у рэгіёне».
