Польшча цяпер не разглядае адкрыццё пунктаў пропуску на мяжы з Беларуссю з прычыны адсутнасці крокаў насустрач па вострых пытаннях з боку Менска.
Пра гэта на прэс-канферэнцыі ў Беластоку пасля сустрэчы з мясцовымі сілавымі структурамі заявіў міністр унутраных спраў і адміністрацыі Польшчы Томаш Семоняк. “Мы б вельмі хацелі, каб пагранічныя пераходы былі адкрыты, але няма ніякіх прыкмет таго, што гэта адбудзецца ў найбліжэйшай будучыні”, – сказаў ён. Ён усклаў адказнасць на Беларусь.
Зараз на беларуска-польскай мяжы дзейнічае толькі адзін пераход для грузавых аўтамабіляў Казловічы-Кукурыкі, а таксама адзін для легкавога транспарту і аўтобусаў – Берасце-Цярэспаль.
Беларускае Радыё Рацыя
