Кіраўнік Народнага антыкрызіснага ўпраўлення, прадстаўнік Аб’яднанага пераходнага кабінета, Павал Латушка правёў перамовы ў МЗС Польшчы.
Палітык паведаміў, што дасягнуты дамоўленасці з польскім бокам аб захаванні дзеяння гуманітарнага каналу для беларусаў, каб атрымліваць візы.
“Мы высока цэнім тую дапамогу, якую аказвае польскі бок беларусам у гэты складаны для Беларусі і беларускага народу гістарычны перыяд”, – сказаў Павал Латушка на сустрэчы з намесніцай міністра замежных спраў Польшчы Генрыкай Масціцкай-Дэндзіс.
У МЗС Польшчы пацвердзілі, што выдавалі і надалей будуць выдаваць беларусам гуманітарныя візы ў абумоўленых выпадках.
